AP:ఫేక్ ఆడియో పై చంద్రబాబు స్పందన ఇదే..!!
దిశ,వెబ్‌డెస్క్: ఏపీలో పార్లమెంటు ఎన్నికలకు మరి కొన్ని గంటల సమయం మాత్రమే ఉంది. అన్ని పార్టీలు ప్రచారంలో భాగంగా ప్రత్యర్థులపై మాటల యుద్ధం కొనసాగింది. శనివారంతో ఎన్నికల ప్రచారం కూడా ముగిసింది. ఈ క్రమంలోనే చంద్రబాబు పేరుతో ఓ ఫేక్ ఆడియో వైరల్ అయింది. అయితే ఈ ఫేక్ వీడియో పై తాజాగా టీడీపీ అధినేత చంద్రబాబు ట్విట్టర్ వేదికగా స్పందించారు. సీఎం జగన్ పై తీవ్రంగా ఫైర్ అయ్యారు. జగన్ నువ్వు ఎన్ని ఫేక్ వేషాలు వేసినా , తలకిందులుగా తపస్సు చేసినా నీ ఓటమి తధ్యం అంటూ పేర్కొన్నారు.
ఇలాంటి డీప్ ఫేక్ ఆడియోలు ఎన్ని చేసినా జనం నమ్మరని, నిన్ను అంత డీప్ గా రాజకీయంగా బొంద పెడతారని టీడీపీ పేర్కొంది. మీరు తలకిందులుగా తపస్సు చేసినా గెలిచేది లేదని అది నీకు తెలిసే లండన్ పారిపోతున్నావు అంటూ టీడీపీ ఈ ఆడియో పై ఘాటుగా స్పందించింది. రాష్ట్రంలో ఎన్నికల సమయంలో గతంలో టీడీపీ అధినేత చంద్రబాబు సతీమణి భువనేశ్వరి పేరుతో డీప్ ఫేక్ ఆడియో వైరల్ కాగా, ఇప్పుడు మళ్లీ చంద్రబాబు పేరుతో ఆడియో వైరల్ అవుతుంది. ఇదంతా వైసీపీ ఫేక్ గేమ్ అని తెలుగుదేశం పార్టీ తిప్పి కొడుతుంది. ఈ కొన్ని గంటలైనా నిజాయితీగా ఉండాలనే ఇంగిత జ్ఞానం జగన్ కి లేదు అంటూ చంద్రబాబు విమర్శించారు.
ఇంకొన్ని గంటల్లో పోలింగ్ మొదలవబోతోంది. ఈ కొన్ని గంటలైనా నిజాయితీగా ఉండాలనే ఇంగిత జ్ఞానం జగన్ కి లేదు. ఉంటే ఇలా కుల మతాలను రెచ్చగొట్టే ఫేక్ వీడియోలను చేయించడు. వైసీపీ వాళ్ళు సర్క్యూలేట్ చేస్తున్న ఫేక్ వీడియోకి నేను మాట్లాడిన ఈ అసలు వీడియో ఆధారం. దీన్నే వాళ్ళు ఫేక్ చేసారు. ఎన్నికలు… pic.twitter.com/tZKOHxnTsn
— N Chandrababu Naidu (@ncbn) May 12, 2024
